差勿多辰光，上海还有安西路、九江路个体服装市场，但让人现在仍会经常想起、提起个，只有华亭路。从1984年到2000年个16年时间里，伊曾经引领上海个时尚潮流。常熟路背后，淮海路、长乐路之间个搿条七百多米长小马路，基本勿承担市区交通任务，在此高尚之地开辟马路市场，先天优势独一无二。迭张照片摄于开张后第二年，现在看迭点服装好像勿算灵光，但当时相对千篇一律个卡其中山装来讲，冲击力是颠覆性个。马路市场终归是“临时户口”。16年后，已做成“中华服装第一街”个华亭路市场被撤销、搬迁；离开了“风水宝地”，交关无法复制个元素也随即蒸发、消亡。现在“华亭市场”个子辈、孙辈可能还生存于市内某些个市场，但已被大众忽略。真是让人非常个惋惜和遗憾。陆杰 摄 林庸 文