上世纪五六十年代，上海个老公房多数只有两三四层高，也勿是独门独户，一个门号就楼下一只公共信箱，而且是开放式个，居民进出各取自家信件，也经常帮带同层邻居个信件。当时限于经济条件，订报刊人家很少，信件则勿会天天有，一只公共信箱完全适合当时个实际。到了七十年代中期，上海开始出现五六层个新工房。最初沿用老办法，一幢房子也仅辣底楼设一只公共信箱，但楼层上去，人家增加，又全是独门独户，信件遗失脱、未收到个情况逐渐增多，加上随着改革开放个到来，收入增加，精神文化需求上升，订报刊个人家也多起来，开放式公共信箱就显过时了，有人家就开始自制自设独立信箱，其他人家觉着迭个办法对，很快纷纷效仿跟进，于是就出现了照片上个情况。但搿也是发展中问题，注意到搿个问题，后起个工房如此景观也就自然消失了。　　种楠 摄 林庸 文