开办了廿多年个上海滩上规模最大个鱼市场——铜川路水产市场垃去年10月整体搬迁，彻底关脱了。交关上海人还是蛮想念伊个。

　　葛末来垃铜川路之前，小菜场或者饭店是到阿里搭去批发水产品个？让我讲拨侬听：是到杨树浦路江浦路上个“上海水产品中心批发市场”。

　　1938年8月，侵华日军伙同伪官商，来垃齐物浦路（今江浦路）原工部局码头再建鱼市场，并打着“华中水产株式会社上海鱼市场”幌子，利用军事手段，来垃海上河里，拦截渔船，攫取鱼货，强抢豪夺，并硬拉渔民进场内交易。一些民族意识强烈个国人鱼行，宁可勿做饿肚皮，也拒绝拨小鬼子利用。

　　抗战胜利，国民政府派专人前来接管。1946年3月，鱼市场正式复业，上海市海关、警察局、招商局和铁路局协助鱼市场交易。全市200余个小菜场以及众多个鱼摊小贩所经营个水产品侪靠鱼市场供应。鱼业交易逐渐繁荣，每日凌晨1点到7点，鱼市场里人头攒动、人声噪杂，交易忙碌、运输频繁。

　　虽然鱼市场生意兴旺，但管理很差，秩序混乱，地痞、流氓、黄牛、退伍军人混杂其间。搿帮坏料同巡警、宪兵勾结，敲诈勒索、偷窃扒拿、寻衅斗殴，时有发生。

　　一唱雄鸡天下白。1949年6月，解放军上海市军管会接收鱼市场。经过一个多月内部整顿，货主、经纪人、鱼贩子侪能够根据规章办事，市场慢慢走上正轨。接下来，鱼市场对鱼贩子逐步清理，发还股金、收回股权，并进行了一系列整顿改革。1953年，上海鱼市场改名为“上海水产市场”。1956年成立中国水产供销公司上海市分公司，上海水产市场成为其下面个“第一批发部”。1990年又改为“上海市水产供销公司第一分公司”。勿管名称如何变更，鱼市场始终承担上海市民个水产供应。

　　改革开放后，存在半个多世纪个交易场所，由于设备简陋、房子破旧，已经跟勿上时代前进个步伐。1983年，政府投资900万元人民币，翻新大楼、更新设备。到了20世纪末，杨浦滨江一带重新规划，原来个鱼市场统统敲脱改造成渔人码头，供市民们休闲观光。所以就有了后来个铜川路市场。

　　细心个读者会发现，江浦路市场是侵华日军另立山头造个，葛末肯定垃此前还有一个鱼市场存在。究竟来垃阿里呢？让我再讲拨侬听：1841年上海开埠，逐渐人烟稠密、市廛熙攘。民以食为天嘛，鱼行应运而生。1864年，就垃十六铺，出现了零星几家鱼行。后来勿断滚雪球壮大，到1935年，十六铺已经是行栈林立，有冰鲜鱼行23家，河鲜鱼行7家。买卖兴旺，俨然闹市。但大多数鱼行为杜月笙、虞洽卿等大亨所把持。

　　国民政府实业部眼看十六铺鱼市场生意介好，就想另起炉灶独揽管理大权，于是决定拨款筹建一个鱼市场，选来垃周家嘴岛（今复兴岛）为新建鱼市场个场址。因为复兴岛是上海唯一一个人工岛屿，地处黄浦江下游，交通方便，为海洋鱼货必经之地。实业部还派人赴日考察，收集建造鱼市场个资料。

　　鱼市场由“新泰昌营造厂”承建。7层高个办公大楼外形像一只渔轮，别具一格。大楼屋顶安装霓虹灯，“上海鱼市场”5个大字闪闪发光。轮船只要一进吴淞口，就能望到。夜里向更加醒目。

　　1936年5月11日上半天10点钟，全国规模最大个鱼市场举行揭幕典礼，各界人士五六百人参加。翌日凌晨3点正式开业，当天码头停靠三十几艘渔轮，进场交易个鱼贩子约4000人。

　　“八·一三”抗战爆发，鱼市场被日军占领，部分建筑毁于炮火。1937年8月18日，鱼市场宣布暂行解散。1个月后，正式通告鱼市场关门打烊。且当时吴淞口被日军封锁，鱼市场货源断档。于是全市鱼业交易中心仍旧返回十六铺。

　　一百五十多年来，上海最大个鱼市场路线图就是：十六铺到复兴岛再到十六铺到江浦路到铜川路。