新工房开启了一个时代，之后煤卫独用、公寓式成为了新建住宅个标准。上海个新工房兴起于上世纪70年代中后期，但伊几年个数量是可以忽略勿记个，真正批量兴建，要到改革开放后个八十年代了。迭张照片摄于1985年，当时辰光市区人均居住面积还只有5平方米，而且大多数市民居住个房屋生活设施很差。搿种新生个6层新工房让居住条件、生活质量侪提升了一大截。当时要分到搿样个住房也是邪气勿容易，因为能有搿种分配个单位辣市里是少数，真正分到手，侬还需要有相应个职级。辣1985年，就像照片房子下头停辣海个上海牌轿车（伊辰光上海大众桑塔纳还呒没出来）一样，新工房辣当时绝对属于高大上，路浪经过，大家心里也板数是眼热得勿得了个。  陆杰 摄 林庸 文