只有少量个公交车、轿车辣路浪跑，脚踏车也勿多，三五行人还辣海人行道下面笃姗姗个闲逛——搿张1982年航拍个南京东路现在来看真是太安静了。伊个辰光是改革开放个初期，计划经济仍是主体，哪能丰富物质、提高工资水平、推动国家朝前发展侪还呒没破题，所以，迭个安静、慢节奏，是当时个生活水平、状况决定辣海个。倒是照片头浪个黄浦江相对繁忙。迭个也可以理解，当时公路勿发达，又多是国内贸易，江河水路利用率就较高。而现在中国是世界第一贸易大国，上海又是世界第一大港，忙个事体交拨洋山深水港去了，黄浦江、尤其是外滩段成了纯粹景观水道。  陆杰 摄 林庸 文