穿虎头鞋个辰光，是小囡生出来百日以后。虎是百兽之王，寓意着吉祥如意、福气冲天，着了虎头鞋个小囡，屋里大人觉着伊将来灵个。

　　剪老虎头个花样要剪得外貌雄健，气势威猛，更加要突出伊额角头浪有个“王”字花纹。当然还有小囡戴虎头帽，裹虎头兜肚，用虎头围【yhu】嘴，睏虎头枕头咾啥。花样剪好以后，交到绣花妇女手浪向，民间高手可以拿司空见惯个大家侪会用个色线，巧妙个绣成虎须、虎眉或皮毛，毛茸茸个皮毛跟虎头浪鲜艳夺目个“王”字邪气耀眼。大家勿仅希望小囡健康成长，而且还希望伊长得虎头虎脑，虎虎实实，有虎一样个内在勇敢气质。大家欢喜搿种花样表达个方式，垃拉鞋面浪搭鞋帮浪绣制虎或虎头图案。换过来讲，就是借用虎头图案来达到避祛一切邪祟。垃拉交关地方，已形成一种风俗习惯。乃末每个人绣个虎头花样也勿一样，绣得好勿好，就要有一张好个花纸样子，啥人剪花样剪了好，伊个粉丝就多，当然赚钞票也就多了。迭个辰光啥人手巧就露出一手来了。