上世纪六十年代三年困难初期，由当时机械工业部下达我工作个研究所搭仔河南开封某厂合作，试制经苏联引进个小型火力蒸汽发电机组，来解决抗旱问题。开封厂派了两名技术人员到我所。阿拉工作了一段辰光，相互相处很好，工作进展老快。

　　一天中浪头，我有眼事体，呒没陪伊拉到食堂一道排队买饭吃。我晏了一步到食堂，只见食堂饮事员搭开封同志辣吵相骂，我上前去看，开封同志看到我来了就讲：“你们饮事员太欺负人，我要买凉粉，她不肯卖给我，只卖给你所职工……”，饮事员听了后连忙辩解说：“搿位同志勿讲道理，伊要买两分洋钿个菜，我对伊讲，阿拉搿搭食堂最便宜个菜要五分，呒没两分洋钿个菜。”争辩中，开封同志正好看见旁边队伍有人端了一盆麻腐出来，伊就指拨我看：“就是这个凉粉”，搿时候我才涣然释冰，哈哈大笑个说：“你们俩都没有错，都误会了。”我先对饮事员讲：“外地人拿麻腐叫凉粉，侬听了误解，买凉粉，勿是买两分洋钿个一只菜。”后对开封同志说：“我们上海人把凉粉叫麻腐。麻腐是上海专用的、独一无二的叫法，在全国其他地方没有这么称凉粉的。”大家听了哄堂大笑。