上海弄堂、居民小区里个裁缝店除脱做服装，搭烟纸店、电话间、皮匠摊咾啥差勿多，常时还是社区新闻、邻里故事个媒介地。裁缝店出现相对较晚，之前裁缝师傅是人家请上门做生活个，主人要管吃管住。老早大多数人家过日脚紧绷绷，管好开门七件事已勿易，有迭种需求个勿多，裁缝师往往迭个礼拜、号头辣徐汇区人家做生活，下周、下个月已跑到虹口去了。改革开放、收入增加后，大家穿着重视起来，弄堂、居民区裁缝店乃末应运而生。迭些裁缝师傅好像个个是“全能型”个，男女老少、冬装夏装春秋装统吃；市场出现啥新品，侬拨伊拉样子，伊拉就会替侬做出来，价钿比店家要便宜交关。辣服装业还欠发达，收入还勿算很富余个年代，迭些弄堂裁缝师傅成了普通爱美之人个“形象设计师”，为居民提供了实惠、实在又贴心周到个服务。　　　　　　　　 陆杰 摄 林庸 文