今朝单讲小绢头，

　　五颜六色多花头。

　　啥个辰光开仔头，

　　现在呒人用绢头。

　　袖珍面巾一包头，

　　抽出用过一厾头。

　　便当潇洒有派头，

　　啥人高兴用绢头。

　　面巾侪用好纸头，

　　造纸侪用好木头。

　　男女老少多人头，

　　用脱几化好木头。

　　就算多种树苗头，

　　小树长大要年头。

　　乱砍乱伐呒尽头，

　　土地沙化吃苦头。

　　勿用面巾省纸头，

　　节省纸头省木头。

　　阿拉大家侪带头，

　　今朝开始用绢头。