微信群里有位姓刁个阿哥，是群主。刁阿哥是个大好人。迭个群有读书会性质，每季度出一份“群报”，交流习作。迭只任务一直“拜托”辣辣刁阿哥身浪向。

　　读书会至今十年，“群报”也足足出了十年。屡屡有佳作，比如黄高工个七律：“惊蛰雷鸣正适时，龙蛇起舞出洼池。郊原雨润禾苗旺，垄上风和豆麦宜。乍暖还寒随冷热，山光水色竞参差。幽居祗欲防虫蠹，打点书橱读楚辞。”

　　有天一早，家主婆去买豆浆，我把餐桌抹干净，坐着。一歇歇伊回来了，交拨我一个敞口大信封，打开一看，是昨日出个“群报”。信封右下角有一个简单个签名：“刁”。霎那间，一阵感动涌上来。我好像看见年过花甲个刁阿哥，骑一辆旧个电动车，像邮递员一样，顶着夏天个烈日，辣辣街道、小弄堂、小区里穿来穿去，头浪背身浪侪是汗。

　　讲起来，迭个读书群不大也不小，几十个人，虽然大多住辣一个区里，但地方还是蛮分散个。群报就是刁阿哥迭样一家一家投到信箱里个。刁阿哥是彬彬君子，勿随便打扰人家，如果要登门，必隔天告知；平常投递群报，伊连上楼喝口茶侪不肯个。刁阿哥又心急，恨不得把新鲜热辣个小报立刻让大家侪观赏到。

　　我拿着“群报”，想象他骑着旧车个背影，十十足足个过意不去，便给刁阿哥发微信：“刁哥好，最新群报收到，阅后深有所获，并谢谢您选用拙文。久不见，您何不上来坐坐喝口茶？鄙人待客不周啊。甚歉。”刁阿哥回复：“赵老师好！因当日下午要把群报送给十几个文友，如程华康、叶启文、魏胜云、孙鸣潮等，时间太紧，因此不上来打扰了，希谅解为盼。”