隔壁有个小阿弟，

　　欢喜白相游戏机。

　　放学回到屋里向，

　　掼脱书包去开机；

　　姆妈闲话讲两句，

　　半句勿进耳朵里。

　　吃好夜饭做功课，

　　做了一歇打呵欠；

　　趁伊姆妈勿注意，

　　偷偷摸摸听耳机。

　　日长势久生毛病，

　　搿个毛病真稀奇：

　　两只耳朵生老茧，

　　看见功课搭眼皮。

　　劝劝迭个小阿弟，

　　白相勿要呒没底，

　　学习推扳身体差，

　　将来重担挑勿起。