《上海闲话》专版受到读者喜欢，阿拉更加要做到上海闲话书面语正确规范，但因对稿件用字个修改过程要比编辑普通话个文章复杂得多，文字有出现错字情况，阿拉欢迎读者个热情参与搭指正。

　　更正

　　11月1日一篇题为“老朝假领头”应改为“老早假领头”。

　　11月15日一篇题为“做人介”应改为“做人家”；文中“总规搜作”应改为“总归收捉”。11月22日《上海闲话“花”头经透》一文中有删除的词条没有删去。

　　《阿毛到上海吃喜酒》一文中“跑【旧音读pao】”应为“跑【旧音读bao】”。

　　第44期题目当中，有一句闲话叫“花三担稻六石”。迭句闲话是阿拉沪郊农民讲出来个，只有伊拉讲得清爽。生活垃原浦东洋泾乡仁和村个张为莉读者，伊有仔近30年当农民个经历。伊邪气热心，搭阿拉来信，详细解释了迭句闲话个意思，阿拉来听伊讲讲。

　　张为莉读者来信：

　　我今年68岁，阿拉迭一代个沪郊农民已经勿大讲迭句闲话了。我是常常听伲阿奶搿辈人讲个。实际浪迭句闲话有两层意思。阿拉农村有段顺口溜：“寒豆（蚕豆）荚荚绽（饱满），小麦挑两担，花三担稻六石”。第一层意思是指田里个收成好，亩产达到丰收个景象。“三担”搭仔“六石”是数量词，从前，农业生产水平低下，棉花要达到“三担”，也就是要达到300斤，稻子要达到“六石”，迭个是老勿容易个。要是达到个闲话，迭个就是高产量了，是丰收年了。第二层意思是祈望丰收，因为当时要达到迭个收成是老少个。所以，有常时大家侪会得互相祝愿：阿芳啊！望田里“花三担稻六石”噢。迭句闲话邪气真实个体现了阿拉农民年年盼望“花”好“稻”好，丰收高产有好个收成。

　　上海闲话版面办得老好，有趣、亲切，我是邪气欢喜。今朝看到要阿拉农民来解释，我觉着老老亲切个。祝愿“上海闲话”越办越好。

　　▲ 张为莉读者将获得由“上海闲话”版面特别送出的纪念礼品一份