上世纪八九十年代前，“三轮车”辣上海就是专指照片里迭种人力客运车，装货色、运物事个三只轮盘车另有名称，叫“黄鱼车”。三轮车是再前头“黄包车”个升级版。侬屋里有人生病了要上医院，年纪大个人出趟远门，或者辣外面买了大包小包个东西乘公交勿便当，就会叫上一部三轮车。三轮车师傅总归是一把年纪，伊拉会拣勿走公交个小马路骑，七兜八绕，带侬一路观光式个到达目的地。拜赐于城市发展脚步个缓慢、停滞，伊拉辣上海几十年里充当了“出租车”个角色，直到改革开放后才逐渐淘汰。迭张照片摄于1998年，搿辆三轮车勿是最后个，也应该是最后之一；因为早已属淘汰行列，师傅也只会是老老师傅了。啥人伊辰光坐过，可算坐了绝版三轮车了，也蛮有纪念意义的。  种楠 摄 林庸 文