做医生有风险，弄得勿好要送命。古代就有先例。名医华佗拨曹操关起来杀脱，就是一个有名例子。

　　东汉末年华佗与董奉、张仲景，三人并称为“建安三神医”。华佗医术全面，顶拿手个是外科，会开刀动各种各样手术，还精通内、妇、儿、针灸各科，是一个名符其实个“全科医生”。

　　有一趟，伊搭广陵个官老爷陈登治病，当时伊面色赤红、心情烦躁，华佗看后，为伊开了药，叫伊个手下人准备好十几只面盆，伊吃了几贴药，吐出了几盆个红头虫子，华佗说是吃鱼得个病，今天来看是寄生虫病。华佗告诉伊迭个毛病会复发，到辰光再来问我要药，迭个病可以根治。三年后，陈登果然旧病复发，派人去寻华佗。华佗个药童搭来人讲，老先生上山采药去了，勿晓得啥辰光回来，结果陈登死了。

　　当时，黄疸病曾经流行，华佗花了三年辰光，研究一种名叫茵陈蒿个草药，用阳春三月个茵陈蒿嫩叶施治，治好了许多病人。民间因此流传一首歌谣：“三月茵陈四月蒿，传于后世记记牢，三月茵陈能治病，五月六月当柴烧”。华佗还用温汤热敷，治好蝎子螫痛；用青苔炼膏，治疗拨马蜂螫后个肿痛；用紫苏治食鱼蟹中毒；用白前治咳嗽；用黄精补虚劳。

　　但是，迭能一个好医生，却拨曹操杀脱了。

　　曹操为自己造豪华宫殿，挥起宝剑砍伐跃龙祠堂前个一棵梨树，得罪了梨神，当天夜里做了个噩梦，醒来得了头痛个毛病。其实，迭个起因是罗贯中编出来个，曹操个头痛毛病，是因为头脑里长了一只瘤。曹操请了交关医生治疗，侪呒没效果。后来，曹操手下个华歆举荐了华佗，曹操立马差人连夜将华佗请来看病。

　　华佗先用针灸为伊治病，扎了几次胭俞穴位，效果蛮好。后来，随着伊个政务和军务的日益繁忙，头痛病加重了。曹操希望华佗能够根治迭个老毛病。华佗对伊讲：侬个毛病辣短期内很难彻底治好，即使一直针灸，只能治标勿治本。曹操问伊，哪能可以治本？华佗伸出一只手，做出一个开刀个姿势说，侬个头痛是因小中风引起个，里面长了一只瘤，病根辣脑袋里面，要先饮一种“麻沸散”，全身麻醉，然后用斧头砍开脑袋，取出“风涎”，才可能除毛病。

　　曹操大光其火，想脑袋哪能来三劈开？侬勿是要我命吗？曹操本来就多疑，伊怀疑华佗是刘备派来个间谍，要借机杀伊，为关公报仇，乃末命令左右将华佗关起来拷问。华佗临死，拿出一卷书交拨狱吏说：“搿本书可以救很多人。”狱吏勿敢收下，华佗也勿勉强，要来火种，一把火烧了，迭本《青囊书》因此失传。

　　曹操杀华佗还有一种说法。据《三国志》说，华佗勿仅医术高明，而且医德高尚，时刻心系天下百姓个疾苦，勿肯专门为曹操一个人看病，于是借口老婆病重离开了曹操，曹操多次催伊回来伊都勿肯，曹操大怒，派人去检查，说华佗个老婆果真有病，送伊小豆四十斗，放宽几天来；假使伊老婆呒没毛病，就拿华佗抓来。于是，华佗拨曹操关进了监狱。曹操手下个荀彧为华佗说情：“迭个人有真本事，应当宽恕伊。”曹操勿听，一怒之下拿伊杀了。

　　华佗死后，曹操个头痛病一直勿好。伊懊悔杀脱华佗。后来曹操儿子生了重病，呒没人能治好。曹操又叹息说：“我杀了华佗，儿子一条命也保勿牢了。”