现在外滩个浦发银行大楼,老底仔挂汇丰牌子。“汇丰”是中国人叫法,伊个英文全称是“ The Hongkong and Shanghai Bank ”。为啥同一样物事中文跟英文名称相差介远?
1840年,第一次鸦片战争失败后,腐败个清廷被迫签订了《南京条约》,香港被割让。19世纪四五十年代,来辣香港从事金融活动个基本上是怡和、宝顺、旗昌等几个大洋行以及一些总部设辣英国伦敦或印度个合资银行。香港个商业团体意识到如果来辣香港开设属于自家个银行,由本地个商团来支持,勿仅可以直接关照香港贸易个发展,且能够考虑香港政府关于公用事业、港口码头建设等等民生需求,香港就会变得昌盛起来。于是伦敦注册、总行设拉辣香港、并来辣上海及内地各大城市分别设立分行个“中国银行”应运而生。
1864年7月,时任香港大英轮船公司监事、香港黄浦船坞公司大班、香港商界公认个权势人物萨瑟兰德拟就一份“创设我们自己的银行”个计划书,来辣香港商界得到强烈反响。除个别外,几乎所有辣香港有影响个洋行都来辣计划书上签字。8月6日,萨瑟兰德召集15人临时委员会召开首次会议。临时委员大多数是住辣远东多年个英国洋行大班和企业老板。会上,通过了萨瑟兰德个计划书。新成立个银行注册资金500万港元。
1865年初完成“香港上海银行”个筹备工作。同年3月2日,临时委员会提名现有成员转为新个管理机构成员。该机构仿照东印度公司取名“董事院”。新成立个董事院立即决定第二天银行开张营业。
香港上海银行个叫法是沿袭英国早年合资银行以其从事主要业务活动个地区来命名个惯例。不过聪明个中国人自有一套“信、达、雅”个简化翻译方法,通常是将名称意译,如颠地洋行被译成“宝顺(寓意宝贵和顺)”;贾丁·马西森洋行被译成“怡和(寓意正直和谐)”;香港上海银行则译成“汇丰(寓意汇款丰富)”。至于“汇丰”是啥个辰光传开个,已无法精确考证,但1881年,搿两个字就已经出现辣拉汇丰银行发行个钞票上了。
晚清及民国期间,上海滩上所有银钱业每天个汇兑侪以英国人开个汇丰银行上午9点钟挂出个牌价为准。