上海市民文化节沪语大赛刚刚圆满落幕，由上海人民广播电台主办个主持人沪语大赛又欢乐开启。从11月17日起，20位沪上知名广播、电视节目主持人会先后亮相，同台竞技沪语水平。大赛将历时8周，分为初赛、复赛、决赛。大赛将录制并剪辑成广播节目，在电台FM93.4、AM990每周六、日18:30-19：00个《阿拉听新闻》中播出。另外，每天17：00个《轻松集结号》还会连线参赛主持人，请伊拉讲述来上海工作后个生活经历。

　　电台主办个搿一大赛，今年是第二届，大赛个主题定得交关有现实意义，叫“爱上海·大声说”。上海现在二千多万人口中，有一半是新上海人。搿次参赛个主持人有一个共同特点：侪是非户籍。“饭碗头”性质，决定了伊拉都具有一口令人羡慕个字正腔圆、的的刮刮个国语。但为了更好个融入上海生活、品味上海文化，通过用心学习告上海生活搿段辰光个潜移默化，伊拉也已具备了一定个沪语能力。当然，大多数选手讲了还算勿上“灵光”，带有明显洋泾浜个味道，讲起来时常会打搿愣，但伊拉还是大胆个走入公众视线，将通过大声说沪语，表达对上海个热爱。

　　搿些来自各个节目个主持人，拥有各自众多个听众或观众，伊拉参赛会对新上海人群体有很大示范效应。毫无疑问，落脚一个地方工作生活，最好个办法就是融入当地个文化，学会迭个地方个语言。其实，刚刚起步学一种新方言难免会勿顺畅。搿些侪属于正常，关键是要大声说起来。像搿次大赛前面电台播出个广告，里头选手讲个“欢迎收听！欢迎参加！”个“欢迎”，哪能听都像是沪语个“虾仁”，搿倒无意中合了沪上饭店宴会上个头道菜以“虾仁”表示欢迎个意思。蛮让人发噱个。本版编辑作为评委参与搿次大赛，搿第一篇短文此地块也权当“虾仁”，欢迎搿些新上海人主持人参赛，是新上海人的代表，个行动将会带动更多新上海人大声说起上海话，融入到上海文化当中，大都市上海也会因为搿种接地气个融入而变得更加和谐与美好。