《浓浓沪语海上情——<上海闲话>精编》一书垃拉书展亮相后，得到了交关读者个欢喜，创下了书展一小时签售纪录。搿本书尤其是得到了沪上新上海人个青睐，伊拉拿伊当学习上海闲话个教材。现应广大读者个要求，同时也为了满足读者对于上海文化个喜爱之心，上海辞书出版社将于10月4日下半日2点到3点半，垃拉福州路上海书城三楼举办“《浓浓沪语海上情——<上海闲话>精编》签售会”活动，该书主编吕争、钱乃荣搭著名滑稽剧团表演艺术家王汝刚、著名沪剧表演艺术家马莉莉将出席签售会，还搭欢喜上海闲话个读者互动。为了保证每位现场购书读者侪能够拥有嘉宾个签名留念，搿趟活动限量销售600本书。另外，活动当中还限量提供100本《上海话大词典》参加签名售书活动。